“Fövqəladə hallar uşaqların gözü ilə” XII Respublika uşaq yaradıcılıq müsabiqəsində qalib gələn şagirdlərimiz
Dekabrın 18-də Fövqəladə Hallar Nazirliyi,Elm və Təhsil Nazirliyinin birgə təşkilatçılığı ilə keçirilmiş “Fövqəladə hallar uşaqların gözü ilə” XII Respublika uşaq yaradıcılıq müsabiqəsinin qaliblərinin mükafatlandırma mərasimi keçirilib.
Tədbirdə Fövqəladə Hallar Naziri general-polkovnik Kəmaləddin Heydərov, Gənclər və İdman Naziri Fərid Qayıbov, Elm və Təhsil Nazirinin müavini Həsən Həsənli, Prezident Administrasiyasının Gənclər siyasəti və idman məsələləri şöbəsinin sektor müdiri Həmid Nəsirov, Azərbaycan Gənclər Fondunun icraçı direktoru vəzifəsini müvəqqəti icra edən Qədir Xəlilov, Fövqəladə Hallar, Elm və Təhsil nazirliklərinin məsul şəxsləri, qazi mayor Süleyman Heydərov, müsabiqənin qalibləri seçilmiş uşaqlar, ictimaiyyət nümayəndələri və valideynlər iştirak ediblər.
Müsabiqənin keçirilməsində məqsəd ictimaiyyətin diqqətinin fövqəladə hallarla bağlı problemlərə yönəldilməsi, məktəblilərə təhlükəsiz həyat fəaliyyəti mədəniyyətinin aşılanması, onların vətənpərvərlik ruhunda yetişdirilməsi,eləcə də istedadlı uşaqların üzə çıxarılması və onlara dəstək verilməsidir.
Məktəbimizin 1 ç sinif şagirdi Mirzəyeva Fatimə III yer tutduğuna görə diplom və qiymətli hədiyyə ilə,8 f sinif şagirdi Yaqublu Ləman fəal iştirakına görə Fəxri Fərman və diplomla təltif olundular.
