Buraxılış imtahanında 300 bal toplayan Fidan Rüstəmli
Mayın 10-da Xətai Rayon İcra Hakimiyyətinin və Yeni Azərbaycan Partiyası (YAP) Xətai rayon təşkilatının birgə təşkilatçılığı ilə Ulu Öndər Heydər Əliyevin anadan olmasının 101-ci ildönümünə həsr olunan “Əbədiyaşar Lider” mövzusunda tədbir keçirilib.
YAP Xətai rayon təşkilatında davam edən tədbirdə müasir müstəqil Azərbaycan dövlətinin qurucusu, Ulu Öndər Heydər Əliyevin və torpaqlarımızın azadlığı uğrunda canlarından keçən Vətən övladlarının xatirəsi bir dəqiqəlik sükutla yad edilib. Azərbaycanın Dövlət Himni səsləndirilib.
Tədbirdə Dövlət İmtahan Mərkəzinin 3 mart 2024-cü il tarixində keçirdiyi buraxılış imtahanında 300 bal toplayaraq ən yüksək nəticə göstərən 257 saylı tam orta məktəbin şagirdi Fidan Rüstəmli mükafatlandırılıb.
Şagirdimizə təhsil sahəsində daha böyük uğurlar əldə etməsini diləyirik!
