NARKOMANİYA BƏŞƏRİYYƏTİN BƏLASIDIR.
Hazırda bəşəriyyəti narahat edən məsələlərdən biri də narkomaniyadır. Narkomaniyaya meyil əsasən gənclik dövründə başlanır. Buna görə də məktəb dövründən profilaktik tədbirlərə başlanılmalıdır. Hər il məktəbin fəaliyyət planına uyğun olaraq yetkinlik yaşına çatmayanların tərbiyəsinə düzgün istiqamət vermək, onların zərərli vərdişlərdən qorunmasını təmin etmək məqsədi ilə müxtəlif tədbirlərin keçirilməsi planlaşdırılır.
22.11.2023-cü il tarixində 257 nömrəli tam orta məktəbin psixoloqu Zöhrə İbrahimova 9-cu sinif şagirdləri ilə maarifləndirici tədbir təşkil etdi. Tədbirdə bildirildi ki, narkomaniya ilə mübarizə və onun profilaktikası vacib məsələlərdən olmaqla yanaşı bu gün gənclərin formalaşması, onlarin saglam böyüməsində ən mühüm amillərdən biridir.
Şagirdləri ətraflı maarifləndirdikdən sonra onları maraqlandıran suallar cavablandırıldı. Sonda "Narkomaniya bəşəriyyətin bəlası"dır adlı videoçarx nümayiş etdirildi.
