Gigiyena və düzgün qidalanma sağlamlığın əsasıdır.
Azərbaycan Respublikası Elm və Təhsil Nazirliyinin 2023-cü il 13 fevral tarixli əmrİlə təsdiq edilmiş "Ümumi təhsil müəssisələrinin 8-9-cu siniflərində reproduktiv sağlamlıq mövzusunda məşğələlər üzrə metodik vəsaitə" əsasən məktəbin psixoloqu Zöhrə İbrahimova 22 noyabr 2023- cü il tarixində məktəbdə "Gigiyena və sağlam qidalanma sağlamlığın əsasıdır" mövzusunda Vlll sinif şagirdləri arasında maarifləndirici məşğələ keçirilib.
Seminarda şagirdlərə gigiyena barədə zəruri informasiyalar ( şəxsi və ümumi gigiyena qaydaları), sağlam və rasional qidalanma, ətraf mühitin insan sağlamlığına təsiri haqqında məlumat verildi və verilən informasiya üzərindən aktiv diskussiyalar aparıldı. Mövzuya əsasən şagirdlər qruplara ( diyetoloqlar, dermatoloqlar, stomatoloqlar) bölünərək təqdimatlar hazırladılar. Şagirdlərin hazırladıqları təqdimatlar üzərindən günün informasiyası möhkəmləndirildi.
Seminarı atalarımızın “Sağlam bədəndə, sağlam ruh olar” deyimi ilə yekunlaşdırdıq.
