20 Noyabr Ümumdünya Uşaq Hüquqları Günüdür
Bu gün Ümumdünya Uşaq Hüququları günüdür. 1954-cü ildə BMT Baş Məclisi bütün dünyada uşaqların rifahının yaxşılaşdırılmasına yönəldilən fəaliyyətə həsr edilən bu günü bütün dünya ölkələrinə qeyd etməyi məsləhət görüb. 1959-cu il noyabrın 20-də Baş Məclis Uşaq hüquqları Bəyannaməsini, 1989-cu ilin həmin günündə isə Uşaq hüquqları haqqında Konvensiyanı qəbul edib.
Bu münasibətlə noyabrın 20-də məktəbimizdə Uşaq Hüquqları Gününə həsr olunmuş möhtəşəm tədbir keçirildi. Tədbirdə məktəbimizdə fəaliyyət göstərən "Mənim hüquqlarım" adlı dərnəyin üzvləri çox fəal iştirak etdilər. Onlar bu gözəl günü böyük sevinc və coşqu ilə qeyd edərək zalda oturub onalrı izləyən tamaşaçılara müxtəlif rəqs nümunələri göztərmiş, mahnılar oxumuş, şeirlər söyləmişlər.
