"Zəfər yolu" tədbiri
Bakı Şəhəri üzrə Təhsil İdarəsinin 22.09.2022-ci il tarixli F-300 nömrəli əmrinə əsasən “7-dən 77-yə qədər vətənpərvər!” layihəsinin həyata keçirilməsi məqsədi ilə Ə.Abbasov adına 257 nömrəli tam orta məktəbdə məktəb rəhbərliyi və şagird kollektivi ilə birgə “Zəfər yolu” adlı tədbir keçirildi.
Tədbir Azərbaycan Respublikasının Dövlət Himninin səslənməsi ilə başlandı.Sonra şəhidlərin xatirəsi bir dəqiqəlik sükutla yad olundu. Şagirdlər Şuşaya, qəhrəmanlığa, şəhidlərə, vətənə aid şeirlər səsləndirdilər, rəqs və mahnılar ifa etdilər.
Sonda məktəbin rəhbərliyi şagirdlərə Zəfər Günü ilə bağlı keçirilmiş rəsm müsabiqəsində qalib gələn şagirdlərə fəxri fərmanlar təqdim etdi və tədbir iştirakçıları ilə xatirə şəkilləri çəkdirildi.
