Olimpiada qalibimiz - Fidan Allahverdiyeva
Respublika fənn olimpiadalarının final mərhələsinin nəticələri bəlli olub. Olimpiadada 47 nəfər qızıl, 88 nəfər gümüş, 139 nəfər bürünc olmaqla ümumilikdə 274 nəfər qalib elan olunub.
“Şagirdlərimizin bilik və bacarıqlarının inkişafı milli sərvətimizdir. Yaxın gələcəkdə olimpiada qalibi olan məktəblilər Azərbaycanın ən yaxşı kadrları olacaqlar".
Bu fikirləri elm və təhsil naziri Emin Əmrullayev iyulun 14-də keçirilən respublika fənn olimpiadaları qaliblərinin mükafatlandırılması mərasimində səsləndirib.
Olimpiada qaliblərinin arasında 257 nömrəli tam orta məktəbin şagirdi Allahverdiyeva Fidan Aqil qızı da var. O, tarix fənni üzrə keçirilmiş olimpiadada III yerə çıxaraq bürünc medal qazanmışdır.
Fidanı məkətimizin rəhbərliyi və müəllim kollektivi adından ürəkdən təbrik edir, ona təhsilində böyük uğurlar diləyirik!
