Ümummilli Lider Heydər Əliyevin 100 illik yubileyinə həsr olunmuş yeniyetmələr arasında cüdo idman turnirinin qalibi
Ulu Öndər Heydər Əliyevin 100 illik yubileyinə həsr olunan cüdo üzrə U-13 və U-15 kiçik yaşlı yeniyetmələr arasında Bakı kəndləri birinciliyi keçirilib. Turnir Azərbaycan Respublikasının Gənclər və İdman Nazirliyi, "Bakı Abadlıq Xidməti” MMC və Azərbaycan Cüdo Federasiyasının birgə təşkilatçılığı ilə baş tutub.
U-13 və U-15 yeniyetmələrin fərdi yarışlarında 30 müxtəlif klub, cəmiyyət və idman təşkilatından 415 cüdoçu iştirak edib. 15 yaşa qədər cüdoçuların komanda yarışlarında isə qızlar arasında 3 komanda, oğlanlar arasında 6 komanda mükafatlar uğrunda mübarizə aparıb.
257 nömrəli tam orta məktəbin 7C sinif şagirdi Savalanlı Nizami bu turnirində iştirak edərək 46 kq çəki dərəcəsində III yerə layiq görülmüşdür.
Şagirdimizi təbrik edir, ona gələcək yarışlarda uğurlar diləyirik!
