Ümumilli liderin 100 illiyi ilə əlaqədar şeir müsabiqəsi təşkil olunub
Azərbaycan Respublikasında 2023-cü ilin "Heydər Əliyev ili" elan edilməsi ilə bağlı məktəbin Tədbirlər Planına uyğun şeir müsabiqəsi keçirildi. Müsabiqədə məktəb rəhbərliyi və məktəbin Azərbaycan dili və ədəbiyyatı müəllimləri iştirak etdi. Müsabiqədə bütün yaş qruplarından olan şagirdlər iştirak edirdi. İlk öncə məktəbin direkoru Qarat Qaratov müsabiqə iştirakçılarını salamlayaraq onlara yarışın mahiyyətini izah etdi və hər kəsə uğurlar arzuladı. Müsabiqədə Ümummilli Lider Heydər Əliyev və vətənpərvərlik mövzusunda şeirlər söylənildi. İştirakçıların söylədiyi şeirlər münsiflər heyəti tərəfindən qiymətləndirildi və qaliblər müəyyən olundu. Sonda qaliblər diplomlarla mükafatlandırıldı.
Müsabiqənin keçirilməsində məqsəd istedadlı uşaqları aşkar edərək, onlarda mədəniyyətə, incəsənətə, adət-ənənələrimizə bağlılıq və vətənpərvərlik ruhu tərbiyə etməkdir.
