Mənəvi dəyərlərimizi əks etdirən guşə
"Dəyərlərimizi qoruyaq!" layihəsi çərçivəsində Novruz bayramı ərəfəsində məktəbdə şagirdlər tərəfindən divar qəzetləri və xüsusi guşə hazırlanıb. Burada Novruz adət-ənənələrini əks etdirən müxtəlif atributlar yer alıb. Bilirik ki, Novruz Azərbaycan xalqının zəngin maddi və mənəvi dəyərlərinin mühüm bir hissəsini özündə ehtiva edən böyük mədəniyyət hadisəsidir. Bu bayram qədim mədəni köklərə və mənəvi qaynaqlara bağlıdır.
Layihəni keçirməkdə əsas məqsəd şagirdlərdə düşüncə meyillərini gücləndirmək və onlarda milli-mənəvi dəyərlərə məhəbbət ruhunu tərbiyə etməkdir.
