"İdman həftəsi"nin dördüncü günü
"İdman həftəsi"nin dördüncü günündə proqrama uyğun III-IV və VI-VII siniflər arasında “Şən startlar” estafet yarışı keçirilb. Yarış komandalar arasında baş tutub. Bu, uşaqlar üçün oyun və eyni zamanda, fiziki hazırlığı göstərmək üçün böyük fürsət olub. Şagirdlər müxtəlif mərhələlər üzrə mübarizə apararaq bacarıqlarını nümayiş etdirib. Sonda qalib komandalar elan olunub.
Məktəbin V-XI sinif şagirdləri Basketbol yarışında iştirak edib. Yarışdan əvvəl məktəbin fiziki tərbiyə müəllimi Süleymanova Namirə yarışın mahiyyəti barədə iştirakçılara məlumat vermiş və komandalara uğurlar arzulayıb. Komandaların yarışında qaliblər müəyyən olunub.
Bu gün həmçinin X-XI siniflər arasında Qol güləşi yarışı keçirilib. Yarış fiziki tərbiyə müəllimi Əlizadə Sənanın hakimliyi ilə keçirilib. Qaliblər müəyyən olunub.
Qeyd edək ki, layihə təhsilalanların sağlamlıqlarının möhkəmləndirilməsi, fiziki inkişafının təmin edilməsi, idman və bədən tərbiyəsinin inkişafı baxımından xüsusi əhəmiyyət kəsb edir.
