257 №-li tam orta məktəb

    Elm və Təhsil Nazirliyi tərəfindən elan olunmuş idman həftəsi çərçivəsində 28 fevralda məktəblilərin idman nailiyyəti olan idmançılarla görüşü keçirilib. Məktəbin akt zalında baş tutan görüşdə məktəbin direktoru Qarat Qaratov gələn qonaqları salamlayaraq bu görüşün məktəblilər üçün əhəmiyyətindən danışıb. Sonra qonaqlara söz verilib. Görüşdə XXI Yay Olimpiya Oyunlarının çempionu  həndbol üzrə "Qarabağ qadınlardan ibarət komandanın prezidenti Lyudmila Şubina, karate üzrə ikiqat Avropa, ikiqat Dünya çempionu, beynəlxalq yarışların qalibi Vüsal Əliyev hərbiçilər arasında ilk qadın çempion, Dünya çempionu Ceyla Nağızadə, dəfələrlə Azərbaycan çempionu, yeniyetmələr arasında Avropa və Dünya Çempionu ağırlıq qaldıran Fərid Qurbanov iştirak edirdi. İdmançılar keçdikləri idman yolunun çətinlik və xoş anlarını bölüşdülər. İdmanın insan sağlamlığının faydalarından bəhs edən qonaqlar bu yolun nə qədər şərəfli olduğunu da vurğuladılar. Görüşdə iştirak edən məktəblilər qonaqlara onları maraqlandıran suallar verdilər. Qeyd edək ki, qonaqlar arasında olan Vüsal Əliyev məktəbin məzunudur. Sonda qonaqlarla xatirə şəkilləri çəkildi.