31 Dekabr Dünya Azərbaycanlıların Həmrəyliyi günü qeyd olundu
Təməli Ulu öndər Heydər Əliyev tərəfindən qoyulan Dünya Azərbaycanlılarının Həmrəyliyi Günü hər yerdə böyük coşqu ilə qeyd olunur. Hər yeni il ərəfəsində dünyanın müxtəlif ölkələrində yaşayan soydaşlarımız xalqımızın uzunmüddətli ayrılığına son qoyulduğu 31 dekabr tarixini Milli Həmrəylik Günü kimi qeyd edirlər.
Bu günün sevincini məktəbin şagirdləri də xüsusi qeyd etdilər, 4C sinfinin müəllimi Sevil Şirinovanın şagirdləri ilə hazırladığı "Bir olaq,həmrəy olaq" adlı ədəbi-bədii kompozisiyası məktəbin akt zalında nümayiş olundu. Şagirdlər bu günün tarixi barədə məlumat verdi, mahnılar oxundu, şeirlər söyləndi. Bu tarixi gün həm də yeni ilin gəlişi ilə əlamətdardır. Səhnəyə Şaxta baba və Qar qızın gəlişi uşaqların sevincini bir qədər də artırdı.
Sonda məktəbin direktoru Qarat Qaratov tədbir iştirakçılarını ürəkdən təbrik edib, hər birinə yeni ildə xoş və firavan günlər, yeni- yeni uğurlar arzuladı.
