Qürur və fəxrlə anırıq
Dekabrın 12-si xalqımızın ümumilli lideri Heydər Əliyevin anım günüdür. Şəxsiyyətlərin gücü, ağlı, cəsarəti, siyasi iradəsi və müdrikliyi mənsub olduğu xalqın, onun yaradıcısı olduğu dövlətin həyatında əvəzedilməz rola malikdir. Belə tarixi şəxsiyyətlərdən biri müasir müstəqil Azərbaycan dövlətinin memarı və qurucusu Uu Öndər Heydər Əliyevdir.
Bu gün hər kəs 12 dekabr Ulu Öndər Heydər Əliyevin anım günü kimi böyük el məhəbbəti, minnətdarlıq hissi ilə qeyd edir. Tarixə adını əbədi həkk etmiş nadir şəxsiyyətin, qüdrətli siyasi xadimin həyat və fəaliyyəti hər bir azərbaycanlının qürur mənbəyinə çevrilmişdir. Dekabrın 12-si məktəbdə Azərbaycan xalqının ümummilli lideri müasir dünya tarixinə parlaq və silinməz iz qoymuş böyük şəxsiyyət, qeyri- adi zəka, fitri istedad sahibi, müdrik dövlət xadimi Heydər Əliyevin anım günü böyük hörmət və ehtiramla anılıb.
