9 noyabr Dövlət bayrağı Günü qeyd olundu
Noyabr 7-də məktəbdə Dövlət Bayrağı Günü qeyd olundu. İlk öncə siniflərdə şagirdlərə müstəqillik rəmzimiz olan bayrağımızın tarixi barədə məlumat verildi. Bu günün xalqımızın həyatında əlamətdar və müqəddəs bir gün olduğu qeyd olundu.
Bildirildi ki, Azərbaycan bayrağı təkcə and yerimiz deyil, bayraq həm də dövlətimizin, xalqımızın gələcək yolunu müəyyənləşdirən bələdçidir. Bu gün yüksəklərdə dalğalanan üçrəngli bayrağımız dövlətimizin gücünü, xalqımızın birliyini, həmrəyliyini nümayiş etdirir. Ölkə prezidenti İlham Əliyevin dediyi kimi: "Bayrağımız mübarizə əzmimiz, zəfər sorağımız, istiqlaliyyət salnaməmizdir."
Siniflərdə bayraq günü ilə bağlı tədbirin ardı məktəbin akt zalında davam etdi. Uşaqlar bayrağa aid şeirlər söyləyib, mahnı oxuyub, rəqs etdilər.
