8-ci Beynəlxalq Kitab Sərgisi
Oktyabrın 5-dən 9-a qədər paytaxtda -EXPO mərkəzində 8-ci Bakı Beynəlxalq Kitab Sərgisi - “Baku International Book Fair 2022” keçirildi. 16 ölkədən 60 xarici, 130 yerli nəşriyyat və təşkilatın təmsil olunacağı sərgi Şuşa ilinə həsr olunmuşdu.
Sərginin məqsədi kitab və mütaliənin təbliği və populyarlaşdırılması, Azərbaycan və xarici nəşriyyatların poliqrafiya məhsulları ilə tanışlıq, nəşriyyat sənayesinə dəstək, potensial əməkdaşlıq üçün nəşriyyatları kitab mağazaları ilə tanış etmək, Azərbaycanda kitab biznesinin inkişafı ilə bağlı təcrübə və fikir mübadiləsi aparmaq idi.
257 nömrəli tam orta məktəbin şagirdləri də 08 oktyabr tarixində bu gözəl tədbirdə çox böyük həvəslə iştirak etmişlər. Sərgidə onlar müxtəlif mövzularda nümayiş etdirilən kitablarla maraqlanmış, kitabların annotasiyasını təqdim edən insanları diqqət və həvəslə dinləmişlər.
Məktəbimizin şagirdləri kitab sərgisindən çox gözəl təəssüratlarla ayrılmışlar.
