"Qarabağ Azərbaycandır- işğaldan azad olunmuş torpaqlarımız"mövzusunda inşa yazı müsabiqəsi
Xətai rayon orta ümumtəhsil məktəblərinin yuxarı sinif şagirdləri arasında “27 sentyabr- Anım Günü “nə həsr olunmuş “ Qarabağ Azərbaycandır-işğaldan azad olunmuş torpaqlarımız” mövzusunda inşa yazı müsabiqəsi keçirilmişdir. Müsabiqənin keçirilməsinə ümumi rəhbərlik Yeni Azərbaycan Partiyası Xətai Rayon Təşkilatı və Xətai rayon Gənclər və İdman İdarəsi tərəfindən həyata keçirilir.
Yazı müsabiqəsinin keçirilməsində məqsəd böyüməkdə olan gənc nəsildə vətənpərvərlik, dövlətçilik, milli-mənəvi və ümümbəşəri dəyərlərə hörmət hisslərinin yüksək səviyyədə aşılanması, yaradıcı gənclərin inşa yazı sahəsində öz yaradıcılıqlarını nümayiş etdirmələri, bilikli, bacarıqlı və istedadlı şagirdlərin aşkar edilməsi olmuşdur.
257 nömrəli tam orta məktəbin yuxarı sinif ( 9-11) şagirdləri də bu təşəbbüsə qoşulmuş, yuxarıda adı çəkilmiş mövzu üzrə inşa yazı müsabiqəsində iştirak etmişlər. Yazı işi canlı olaraq məktəbdə 1 saat 30 dəqiqə ərzində məktəbin Azərbaycan dili və ədəbiyyat müəllimlərinin nəzarəti ilə keçirilmişdir.
Məktəb müsbiqəsində qalib gələn məktəbin 9A sinif şagirdi Məmmədova Ləman Ruslan qızı Yeni Azərbaycan Partiyası Xətai Rayon Təşkilatı və Xətai rayon Gənclər və İdman İdarəsi tərəfindən mükafatlandırılmışdır.
