Kiçik Akademiya üzvlərinin iştirakı ilə keçirilmiş tədbir
Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 27 sentyabr Anım Günü ilə bağlı tədbirlərin keçirilməsi davam edir.
24 sentyabr 2022-ci il tarixində 257 nömrəli tam orta məktəbin Kiçik Akademiya üzvləri 27 sentyabr Anım Gününə həsr etdikləri layihənin təqdimatını həyata keçirmişlər. “Yaşıl layihə” başlığı altında həyata keçirilən bu təqdimatda Vətən Müharibəsi şəhidlərinin əziz xatirəsi bir dəqiqəlik sükutla yad ediliərək, 27 sentyabr Anım Günü barədə müxtəlif məlunatlar səsləndirilmişdir.
Sonra şagirdlər işğaldan azad edilmiş bölgələrin tarixi, coğrafiyası, flora və faunası, mədəni abidələri, dini ibadətgahları, adət-ənənələri, tanınmış şəxsiyyətləri ilə bağlı tədbirlər təşkil etmiş, həyata keçirilən quruculuq işləri barədə geniş məlumatlar vermiş, videomateriallar nümayiş etdirmişlər.
