Vətən müharibəsi iştirakçısı ilə görüş keçirildi
"Yay məktəbi " layihəsi çərçivəsində "26 iyun - Azərbaycan Respublikası Silahlı Qüvvələr Günü" ərəfəsində Vətən müharibəsi iştirakçısı Yusif İsaqzadə ilə görüş keçirildi. Məktəbin məzunu olan Yusif İsaqzadə 2020 - ci ildə ali təhsilini başa vuraraq həqiqi hərbi xidmətə yollanır. 44 günlük müharibədə rəşadətlə döyüşən əsgər Cəbrayıldan Qubadlıyadək çətin döyüş yolu keçir. Müharibənin odu alovu bu cavan və qorxmaz əsgəri sarsıtmır. Hər döyüşdə yalnız düşməndən qisas almaq arzusu bitib tükənməyən Yusif hətta döyüşlərin birində yaralanır. Buna baxmayaraq həkimlər təkid etsələr də Yusif yenidən müharibə meydanına qayıdır. "Cəbrayılın azad olunmasına görə " " Zəngilanın azad olunmasına görə" medalları ilə təltif olunur.
Bu gün " Yay məktəbi " nin iştirakçıları ilə görüşə gələn Yusif İsaqzadənin məğrur duruşu vətən müharibəsini qələbə ilə başa vurmuş şanlı ordumuzun qələbəsinin nümayişi idi. Məktəbin fəxri Yusif kimi oğullarla hər birimiz qürur duyuruq.
