“Vəkillik peşəsi uşaqların gözü ilə” adlı uşaq rəsm sərgi-müsabiqəsi
Ölkəmizdə elan olunan “İnsan hüquqları aylığı” çərçivəsində Vəkillər Kollegiyası tərəfindən həyata keçirilən silsilə tədbirlərin davamı kimi ilk dəfə 18 İyun - Azərbaycanda İnsan Hüquqları Gününə həsr olunan “Vəkillik peşəsi uşaqların gözü ilə” adlı uşaq rəsm sərgi-müsabiqəsinin və Qarabağ Dirçəliş Fonduna dəstək aksiyasının təntənəli açılış mərasimi olub.
Tədbirdə çıxış edən qonaqlar sərginin əhəmiyyəti, şagirdlərin yaşının az olmasına baxmayaraq, ərsəyə gətirdikləri belə peşəkar əsərlərin valehedici olması, vəkilliyin, məhkəmə-hüquq sistemi barədə təsəvvürlərinin əsərlərdə əks etdirmələri, ilk dəfə fərqli formatda keçirilən tədbirin böyük marağa səbəb olması barədə fikirlərini bölüşüblər.
Bu rəsm müsabiqəsində 257 nömrəli tam orta məktəbin şagirdləri də iştirak etmişlər. Şagirdlərimizə sərginin təşkilatçıları tərəfindən Fəxri fərman təqdim olunmuşdur.
