"Cəsur kadet" sınaq günlərində "Şahinlər" komandasının qazandığı uğurlar
Hərbi Qənimətlər Parkının yanında hazırlanan xüsusi zonada Gənclər və İdman Nazirliyi tərəfindən ümummilli lider Heydər Əliyevin anadan olmasının 99-cu ildönümü münasibətilə təşkil olunan “Cəsur kadet” sınaq günlərində 257 nömrəli tam orta məktəbin “Şahinlər” komandası fəal iştirak etmişdir.
Tədbirin əsas məqsədi hərbi-vətənpərvərlik ideyalarının təbliği, gənclərin fiziki hazırlığına və sağlam həyat tərzinə diqqətin artırılmasıdır.
Tədbirdə, həmçinin N saylı hərbi hissənin kəşfiyyatçılarının göstərişli təlimi və konsert proqramı da həyata keçirilmişdir.
Komandanın üzvləri hərbi və fiziki tapşırıqları- qaçış, turnukdə dartınma, taxta hasarın üstündən keçməklə maneənin dəf olunması, kəndir vasitəsilə “təhlükəli zolağın” qət olunması, kəndirin köməkliyi ilə yüksəkliyə dartınma və yüksəklikdən enmə, sürünməklə maneənin dəf olunması, istehkamda yerləşərək hədəfə “qumbara” atma kimi müxtəlif tapşırıqları yerinə yetirmişlər.
"Cəsur kadet" oyunlarında məktəbimizin komandası yüksək əzmkarlıq nümayiş etdirərək 11 qızıl, 2 gümüş və 3 bürünc “Diplom” qazanmışdır.
Yarışda qalib gələn şagirdlərimizi və məktəbin hərbi hazırlıq nüəllimi Sərdar Eyyubovu təbrik edirik!
