Məktəb həyətinin yaşıllaşdırılması
Bu gün- 29 aprel 2022-ci il tariixndə 257 nömrəli tam orta məktəbin IX sinif şagirdləri məktəb həyətinin yaşıllaşdırılması layihəsini həyata keçirmişlər. Onlar məktəbin həyətyanı sahəsində yeni gül kolları əkmişlər. Şagirdlərin bu işi necə həvəs və maraqla yerinə yetirdiklərini müşahidə etdikcə insan bir daha əmin olur ki, təbiətə sevgi uşaqlara ta məktəb yaşlarından aşılanmalı və təlqin edilməlidir. Şagirdlər əkdikləri hər ağacın, hər bir gül kolunun onların təhsil aldığı məktəbin həyətini necə yaşıllaşdırdığını gördükcə bu işi daha da böyük həvəslə yerinə yetirir, öyrəndikləri biliklərin onlarda necə bacarıqlar yaratdığını əyani şəkildə görmüş olurlar.
