Sinif təşkilat saatlarında şəhidlərin xatirəsi yad olundu
20 Yanvar faciəsinin otuz ikinci ildönümünə həsr olunmuş tədbirlərin davamı olaraq bu gün siniflərdə keçirilən təşkilat saatlarında şəhidlərin xatirəsi anılıb.
Şagirdlərə sovet ordusu tərəfindən törədilən faciə haqqında məlumat verilib. Bildirilib ki, 20 Yanvar faciəsini xalqımız unutmadı, lakin son illər bu tarix matəm günündən daha çox müstəqillik yolu, milli qürur və iftixar tarixi kimi yad edilir. Çünki 44 günlük Vətən müharibəsində qazandığımız tarixi qələbə yolu bu tarixdən başladı. Həmin gecə xalqımız öz azadlığı uğrunda və suverenliyi uğrunda mübarizədə ilk şəhidlərini verdi.
Şagirdlər şəhidlərə və "Zəfər" mövzusuna həsr olunmuş şeirlər, bayatılar söyləyib, qələbə ruhlu mahnılar oxudular.
