Şəhidlər xiyabanına ziyarət
1990-cı ilin qanlı yanvarından otuz ikinci il ötür. Azərbaycan xalqı hər zaman 20 Yanvar hadisəsində şəhid olanların xatirəsini əziz tutub. Hər il faciənin ildönümü ərəfəsində məktəbin şagird və müəllimləri and yerimiz olan şəhidlər xiyabanını ziyarət edib. Bu il də Yanvar şəhidlərinin xatirəsi izdihamlı ziyarətlə müşayiət olunub, şagirdlər, müəllimlər və valideynlər istiqlal fədailərinin məzarlarına faciənin simvoluna çevrilmiş al qərənfillər düzüb, onları qürurla anıb, bu faciəni törədənlərə dərin nifrətlərini bildiriblər.
20 Yanvar şəhidləri ilə yanaşı bugünkü müstəqilliyimiz üçün öz canından keçmiş I və II Qarabağ müharibəsinin şəhidləri də böyük hörmət və ehtiramla anılıb, onların da məzarları ziyarət olunub.
