Zəfərə doğru addımla
23 dekabr 2021-ci il Gəncliyə Yardım Fondunda Azərbaycan Respublikası Gənclər Fondunun maliyyə dəstəyi, "Gənclərin Töhfəsi" ictimai birliyinin təşkilatçılığı ilə Azərbaycan, Türkiyə və Gürcüstanda keçirilən “Zəfərə Doğru addımla” layihəsinin bağlanış mərasimi keçirilib.
Tədbirdə 5 nominasiya üzrə - esse, jurnalistlər arasında yazı, rəsm, videoçarx və flaşmob ssenarisi üzrə qaliblər mükafatlandırıldı.
Rəsm müsabiqəsi üzrə məktəbin X və XI sinif şagirdi Həsənli Məhluqə və Qulamzadə Teli III yerə layiq görülmüş, III yer qaliblərinə pover bank və diplom təqdim olunmuşdur.
Nəzərinizə çatdıraq ki, layihə çərçivəsində Gürcüstanın Qardabani bölgəsində, Türkiyənin Konya, Eskişehir, İstanbul, Bursa, Sakarya, Karasu və Karabük bölgələrində də müsabiqə qalibləri mükafatlandırılıb.
257 nömrəli tam orta məktəbin müəllim və şagird kollektivi adından şagirdlərimizi təbrik edir, onlara gələcək fəaliyyətlərində uğurlar arzu edirik.
