YAP Xətai rayon təşkilatı ərazi partiya təşkilatının hesabat-seçki yığıncağı keçirildi
Dekabrın 14-də məktəbdə Yeni Azərbaycan Partiyası (YAP) Xətai rayon təşkilatı Sadıqcan küçəsi 23 ünvanında yerləşən ərazi partiya təşkilatının hesabat seçki yığıncağı keçirilib. Yığıncaqda Yap Xətai rayon təşkilatının sədri Vüqar Rəhimzadə iştirak edib. Öncə hesabat məruzələri dinlənilərək, ərazi partiya təşkilatının hesabat dövründəki fəaliyyəti dəyərləndirildi. Yığıncaqda YAP Xətai rayon təşkilatının sədri Vüqar Rəhimzadə çıxış edərək vurğulayıb ki, təməli Ulu öndər Heydər Əliyev tərəfindən qoyulan və Prezident İlham Əliyevin sədrliyi ilə uğurlu fəaliyyətini davam etdirən Yeni Azərbaycan Partiyası 30 ildə tarixi əhəmiyyətli uğurlara imza atıb.
YAP Xətai rayon təşkilatının sədri partiyanın qarşısında dayanan vəzifələrin icrası istiqamətində Xətai rayon təşkilatının xüsusi fəallıq nümayiş etdirdiyini bildirib.
Sonra hesabat – seçki yığıncağında təşkilati məsələyə baxılıb. Qarat Qaratov Sadıqcan küçəsi 23 ünvanında yerləşən ərazi partiya təşkilatının sədri, Nazilə Ağapaşayeva sədr müavini seçilib.
Sonda YAP Xətai rayon təşkilatının sədri V.Rəhimzadə yeni tərkibə fəaliyyətlərində uğurlar arzulayıb.
