Məktəblilər Zəfər Gününə həsr olunmuş sərgidə
1 noyabr tarixində paytaxt məktəblilərinin 8 noyabr-Zəfər Gününə həsr olunmuş rəsm və əl işlərindən ibarət sərgisi təşkil edilib.
Sərgidə Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva, Vətən Müharibəsində iştirak edən müəllimlər, ictimaiyyət nümayəndələri, şagirdlər və KİV təmsilçiləri iştirak ediblər.
Öncə şagirdlərin əl işlərindən ibarət sərgiyə baxış keçirilib.
Məktəbin təsviri incəsənət müəllimi Sevinc Kərimova 10 şagirdi ilə sərgiyə qatılıblar. Məktəblilər sərgidə əl işlərini nümayiş etdirib.
Qeyd edək ki, sərgidə 150-dən çox əl işi və rəsm əsərləri nümayiş olunub.
Sərgidə çıxış edənlər 44 gün davam edən hərbi əməliyyatlar nəticəsində Azərbaycan xalqının qazandığı tarixi qələbədən, 30 il davam edən işğala son qoyulmasından, ölkəmizin ərazi bütövlüyünün bərpa olunmasından bəhs ediblər. Qonaqlar məktəblilərin əl işlərini yüksək qiymətləndirib və onlara yeni yeni uğurlar arzulayıb.
