Yol hərəkəti qaydalarına dair şagirdlər maarifləndirildi
"Azərbaycan Respublikasında yol hərəkətinin təhlükəsizliyinə dair 2019-2023 -cü illər üçün Dövlət proqramı"nın icrasından irəli gələn məsələlərlə bağlı məktəbdə şagirdlər arasında yol hərəkəti qaydalarını təbliğ etmək, öyrətmək və onları yol qəzalarından qorumaq məqsədilə "Yol hərəkəti qaydalarına riayət edək" mövzusunda maarifləndirici dərslər təşkil edilib. Şagirdlər yol nişanları, müxtəlif yol hərəkətini qaydalarına aid şeir və mahnılar hazırlayıb.
Belə geniş tədbir məktəbin bir çox siniflərində keçirilib. 3 B sinfində tədbir daha geniş və maraqlı təşkil olunub. Tədbirdə şagirdlərə yol hərəkəti qaydaları haqqında ətraflı məlumatlar verilib, yollarda daha diqqətli olmaları tövsiyə olunub. Şagirdlərin diqqətinə çatdırılıb ki, özlərini və yaxınlarını yolda yaranan təhlükədən qorumaq üçün yol hərəkət qaydalarını bilmələri və əməl etmələri çox vacibdir. Daha sonra onlar şeir söyləyib, hazırladıqları səhnəciklə çıxış ediblər.
Bu cür maarifləndirici tədbirlərin keçirilməsində əsas məqsəd şagirdlərin təhlükəsizliyini, yol hərəkəti ilə bağlı onların sağlamlıqlarını qorumaqdan ibarətdir.
