VII Bakı Beynəlxalq Kitab Sərgisi
6-10 oktyabr 2021-ci il tarixində Bakı Ekspo Mərkəzində VII Bakı Beynəlxalq Kitab Sərgi-Yarmarkası “Baku International Book Fair 2021” keçirilmişdir.
Sərginin məqsədi kitab və mütaliəni təbliğ etmək və populyarlaşdırmaq, ziyarətçiləri həm Azərbaycan, həm də xarici nəşriyyatların çap məhsulları ilə tanış etmək, nəşriyyat işinə dəstək vermək, nəşriyyatları potensial əməkdaşlıq üçün kitab mağazaları ilə tanış etmək, eləcə də rəqəmsal dövrdə kitab biznesinin inkişafı ilə bağlı təcrübə və fikir mübadiləsini təmin etməkdir.
Sərgidə nəşriyyatlar, mətbəələr, kitab mağazaları və mədəniyyət mərkəzləri təqdim olunacaq. Həmçinin, sərgidə ayrı-ayrı ölkələrdən 200-ə yaxın şirkətin nümayəndələri iştirak etmişdir.
Bakı şəhəri 257 nömrəli tam orta məktəbin 8 Ç sinif şagirdləri də Beynəlxalq Kitab Sərgisini ziyarət etmişlər. Şagirdlər orada müxtəlif məzmunlu kitablarla tanış olmuş, müəllif, şair və yazıçılarla görüşmüş, xatirə şəkilləri çəkdirmişlər.
8Ç sinfinin şagirdləri sərgidən çox gözəl təəssüratlarla ayrılmışlar.
