"Son zəng!"
14 iyun 2021-ci il tarixində 257 nömrəli tam orta məktəbdə ənənəvi “Son zəng” tədbiri keçirildi. Tədbirə Dövlət himninin səsləndirilməsi ilə başlandı. Sonra məktəbin direktoru və dərs hissə müdiri çıxış edərək məzunları təbrik etdi və onlara gələcək həyatlarında müvəffəqiyyətlər arzuladı.
Məktəbin I və II Qarabağ müharibəsində şəhid olmuş beş məzunu vardır. Onların ruhu 1 dəqiqəlik sükutla yad edildi.Sonra məktəbin adını daşıyan şəhid Ədalət Abbasovun və Ceyhun Həsənovun valideynləri çıxış edərək məzunlara Vətəni sevməyin, dövlətimizi qorumağın necə şərəfli bir vəzifə olduğunu bildirdilər.
Məktəbin şagirdləri vətənpərvərlik mövzusunda şeirlər söylədilər.
Sonda şəhid ailələri ilə xatirə şəkilləri çəkildi.
Tədbirin davamında tam orta təhsili müvəffəqiyyətlə bitirmiş şagirdlərə Fəxri fərmanlar təqdim olundu.
“Son zəng” tədbiri göstərilən qaydalara tam əməl olunaraq məktəbin həyətyanı ərazisində sosial məsafə gözlənilməklə açıq hava şəraitində 1 saatdan artıq olmamaqla keçirildi.
