Vaxtından əvvəl təhsilini başa vuran istedadlı şagirdin nəticəsi
Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları"na əsasən hər bir şagird ümumi təhsil pilləsində oxuduğu müddətdə təhsil səviyyələrindən (III,VIII,X) yalnız birini vaxtından əvvəl bitirə bilər.
Məktəbimizin rus bölməsi üzrə III sinif şagirdi Məhərrəmov Toğrul Bəhruz oğlu ibtidai təhsil səviyyəsini vaxtından əvvəl bitirmək üçün istedadlı şagirdlər üçün eksternat qaydada keçirilən imtahanda uğur qazanaraq IV sinfin II yarımilində təhsilini davam etdirmək şansını əldə edib. Toğrul Məhhərmovun təfəkkürü, yaradıcı potensialı, ümumi dünyagörüşü və fənn proqramlarını mənimsəmə səviyyəsi mütəxəssislər qrupu tərəfindən yoxlanılmış və onun ibtidai təhsil səviyyəsini eksternat təhsilalma formasında vaxtından əvvəl bitirməsinə razılıq verilmişdir.
Məktəb rəhbərliyi Toğrul Məhərrəmovun qazandığı bu uğuru yüksək qiymətləndirərək, ona gələcək təhsilində müvəffəqiyyətlər arzulayıb.
