Bu gün ilk dərslər 20 Yanvar mövzusuna həsr edilib
Azərbaycan Respublikası təhsil nazirinin əmri ilə təsdiqlənmiş “20 Yanvar” faciəsinin otuz birinci ildönümünün keçirilməsi barədə “Tədbirlər Planı”na və Bakı Şəhəri üzrə Təhsil İdarəsinin müvafiq əmrinə əsasən yanvarın 19-da məktəbdə ilk dərslər 20 Yanvar faciəsinin otuz birinci ildönümünə həsr edilib.
İlk öncə faciə qurbanlarının xatirəsi yad edilib. Daha sonra şagirdlərə 1990-cı ilin 20 Yanvar hadisəsi, xalqımızın birlik və əzimkarlıq göstərərək keçdiyi çətin yollar, eləcə də bu yolda canlarından keçən şəhidlərin qəhrəmanlığı haqqında geniş məlumat verilib.
Qeyd olunub ki, Azərbaycan xalqı həm 20 Yanvar, həm də Vətən müharibəsində fədakarlıq göstərən, həyatları bahasına bizə bugünki sevinc və qürur hisslərini yaşadan qəhrəman şəhidlərimizin xatirəsini heç zaman unutmayacaq və hər zaman dərin ehtiramla yad edəcəkdi.
Sonda şagirdlər 20 Yanvar faciəsinə həsr olunuş şeirlər və təqdimatlarla çıxış ediblər.
