20 Yanvar tariximizin şərəf və qəhrəmanlıq səhifəsidir
Azərbaycan xalqının tarixinə faciə kimi yazılmış 20 Yanvar hadisələrindən 31 il keçir. Keçmiş Sovet Ordusunun həmin gün Azərbaycan xalqına qarşı həyata keçirdiyi hərbi təcavüz insanlığa qarşı törədilmiş ən ağır cinayətlərdən biri kimi tarixdə qalacaq.
Məktəbin fəaliyyət planına uyğun olaraq bu tarixi gün ərəfəsində tədris olunan dərslər şagirdlərdə Vətənə məhəbbət hissi aşılamaq, tariximizi unutmamaq, əsl vətənə layiq övlad kimi yetişmək kimi məqsədlər daşıyır.
Tədris olunan dərslərdə xalqımızın azadlığı uğrunda canlarını qurban vermiş qəhrəman Vətən övladlarının xatirəsi yad edilir. Öz canını Vətənə qurban verərək şəhid kimi əbədiyyətə qovuşan qəhrəmanlarımızın şücaətindən bəhs edilir.
