İmtahandan qabaq görülən profilaktik tədbirlər
Dövlət İmtahan Mərkəzi tərəfindən 21 avqust 2020-ci il tarixində şəhər və rayonların imtahan qrafikinə uyğun olaraq I və IV ixtisas qrupları üzrə ali təhsil müəssisələrinə növbəti qəbul imtahanları keçirilmişdir. Həmin gün, həmçinin II, III və V ixtisas qrupları üzrə ali təhsil müəssisələrinin və 9 illik təhsil bazasında kolleclərin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı,qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan (Azərbaycan və ya rus dili) da keçirilmişdir.
İmtahanların təşkil edilməsi üçün ümumilikdə 75 imtahan binası, 1322 imtahan zalı ayrılmışdır.
257 nömrəli tam orta məktəb də imtahan keçiriləcək binalardan biri olduğu üçün burada Mərkəz tərəfindən pandemiya şəraitinin tələblərinə uyğun olaraq bir sıra profilaktik tədbirlər : binaların və otaqların dezinfeksiyası həyata keçirilmiş, imtahan keçiriləcək bütün otaqlar dezinfeksiya edilərək sanitar-gigiyenik tələblərə uyğun şərait yaradılmışdı.
Bundan əlavə, şagirdlərin (abituriyentlərin) imtahana buraxılış zamanı toplaşacağı yerlərdə sosial izolyasiya qaydalarına əməl etməsi üçün 2 metrlik ara məsafəsi nişanları da çəkilmişdi.
