Olimpiada qalibimiz- Fidan Qarayeva
05.06.2020-ci il tarixində RFO riyaziyyat və fizika fənləri üzrə, 09.06.2020-ci il tarixində isə Azərbaycan dili və ədəbiyyat, biologiya, coğrafiya, kimya və tarix fənləri final turu keçirilmiş, qiymətləndirmə və yazı işlərinin münsiflər heyətinin iştirakı ilə müzakirə prosesi yekunlaşmış və qaliblər qaydalara uyğun olaraq müəyyən edilmişdir.
257 nömrəli tam orta məktəbin VIIID sinif şagirdi Fidan Qarayeva olimpiadanın final mərhələsində daha bir uğurunu qazanmışdır. Xatırladaq ki, bu, Fidanın ilk uğuru deyil. O, Ukraynanın Kiyev şəhərində keçirilən VIII Avropa Qızlar Riyaziyyat Olimpiadasında (EGMO) iştirak etmiş, bürünc medala layiq görülmüşdü.
Bu dəfə Fidan riyaziyyat aşağı yaş qrupu üzrə iştirakçılar arasında qalib gələrək II yerə layiq görülmüşdür. Bu sevindirici xəbər məktəbimizin rəhbərliyi və müəllim-şagird kollektivi tərəfindən böyük sevinclə qarşılandı.
Riyaziyyat fənninin çətin mərhələlərini daha yüksək nəticələrlə keçərək, elmin zirvəsinə doğru irəliləyən məktəbimizin fəxri olan Fidana bu məqsədində uğurlar diləyirik!
