Heydər Əliyevə həsr olunmuş onlayn rəsm müsabiqəsi
Azərbaycan xalqının ümummilli lideri Heydər Əliyevin anadan olmasından 97 il ötür. Bu gün Ulu Öndərin doğum günü münasibətilə ölkənin bütün bölgələrində və dünyanın bir çox ölkəsində tədbirlər keçirilir.
Bu tədbirlərdən biri də Yasamal rayon Heydər Əliyev Mərkəzi tərəfindən keçirilən Ümummilli lider Heydər Əliyevin anadan olmasının 97-ci ildönümü münasibəti ilə “Azərbaycanın xilaskarı” adlı onlayn rəsm müsabiqəsidir. Münsiflər heyəti tərəfindən seçilib müsabiqəyə qəbul olunmuş işlərin mərkəzin rəsmi facebook səhifəsi üzərindən izləyicilər tərəfindən onlayn səs verməsinin nəticələri açıqlanmışdır.
Xatırladaq ki, münsiflər heyətinin üzvləri Yasamal rayon Heydər Əliyev Mərkəzinin rəhbəri Naminə Ömərova, xalq rəssamı, professor, Azərbaycan Rəssamlar İttifaqının qrafika şöbəsinin rəhbəri Arif Hüseynov, Azərbaycan Rəssamlar İttifaqının üzvləri, rəssam, sərgi-tədbir təşkilatçıları Elnurə və Aygün İsgəndərovalar idi.
Rəsm müsabiqəsinin iştirakçılarından biri də Bakı şəhəri Ə.Abbasov adına 257 nömrəli tam orta məktəbin təsviri incəsənət müəllimi Sevinc Kərimova olmuşdur. Onlayn rəsm müsabiqəsinin afişasında əsəri üz qabığı seçilmiş rəssam Sevinc Kərimova diplom və hədiyyə ilə təltif olunmuşdur.
Məktəbimizin müəllim və şagird kollektivi xoş xəbəri eşitdikdə çox sevinmiş və Sevinc müəllimə bu uğuruna görə təşəkkür etmişdir.
