Şagirdlərlə keçirilən maarifləndirci tədbir
7 fevral 2020-ci il tarixində məktəbdə mövzusu "Azərbaycanın inkişafına və dünyada təbliğinə böyük töhfələr vermiş şəxslərlə bağlı maarifləndirmə işi" olan maraqlı bir tədbir keçirilmişdir.
Bu mövzu şagirdlərdə çox böyük maraq yaratmış, onların mövzu ilə bağlı geniş müzakirələr aparmasına səbəb olmuşdur. Şagirdlərə azərbaycançılıq ideyalarını hər şeydən üstün tutan, Azərbaycan dövlətinin dünyada inkişafı üçün əlindən gələni əsirgəməyən bu dahi insanlarla bağlı əlavə məlumatlar verilmiş, onlarla birlikdə debatlar keçirilmiş, mövzuyla bağlı maraqlı müzakirələr aparılmışdır.
Şagirdlərdən Fidan Allahverdiyeva bu tədbirin onlar üçün çox maraqlı olduğunu və görkəmli şəxsiyyətlərimizlə qürur hissi duyduqlarını söyləmiş, özlərinin də gələcəkdə dövlətimizə layiqli vətəndaş olmaqları üçün çalışacaqlarına söz vermişdir.
