I yarımil üzrə Böyük Summativ Qiymətləndirmə keçirilir
Ümumtəhsil məktəblərində məktəbdaxili qiymətləndirmənin aparılmasına dair təlimata və məktəbin Fəaliyyət Planına uyğun olaraq əldə edilmiş şagird nailiyyətlərinin qiymətləndirilməsi məqsədi ilə yanvarın 21-dən IV, IX vəXI siniflərdə 2019/2020-ci tədris ilinin I yarımili üzrə Böyük Summativ Qiymətləndirilmə (BSQ) keçirilməsinə başlanılıb.
Şagirdlər bütün fənlər üzrə I yarımildə keçirilən mövzular əsasında ümumtəhsil müəssisəsi rəhbərliyinin təşkil etdiyi komissiya tərəfindən hazırlanmış sualları cavablandırıblar.
BSQ məktəb rəhbərliyinin ciddi nəzarəti ilə fənni tədris edən müəllimlər tərəfindən aparılır. BSQ-nin nəticələri qısa zamanda xüsusi komissiya tərəfindən yoxlanılaraq Pedaqoji şurada müzakirə olunacaq.
