20 Yanvar şəhidləri- müstəqilliyimizin memarları
Xalqımızın azadlığa gedən yolunun memarları 20 Yanvar şəhidləridir. Azərbaycanı müstəqil, suveren dövlət olaraq görmək istəyən vətən övladları sovet imperiyasına qarşı öz etirazlarını bildirmək məqsədilə əliyalın şəkildə tankların, silahlı əsgərlərin qarşısına çıxmaqdan çəkinmədilər. 20 Yanvar hadisəsi xalqımızın qəhrəmanlıq tarixinə ayrıca bir səhifə kimi yazılıb.
Məlum olduğu kimi, hər il ənənəvi olaraq 20 Yanvar şəhidlərinin unudulmaz xatirəsi respublikamızın hər yerində anılır. Neçə vaxtdır ki, məktəbdə 20 Yanvar faciəsinə həsr olunmuş tədbirlərin keçirilməsi davam edir. Onlardan biri də 6A, 6F, 8A və 8D sinif şagirdlərinin birgə hazırladıqları tədbir oldu. Şagirdlərin bəziləri bu qanlı günün kədərini özündə əks etdirən fkirlər söylədi, bəziləri mövzuya həsr olunmuş şeirləri əzbərdən dedi, bəziləri də kiçik tamaşalar göstərdilər.
