20 Yanvar faciəsindən bəhs edən sənədli film
"20 Yanvar faciəsinin otuzuncu ildönümü" ilə bağlı silsilə tədbirlər davam edir.
14 yanvar 2020-ci il tarixində məktəbin 4G sinif müəllimi Günay Mövsümzadə şagirdlərə Qanlı Yanvar faciəsini əks etdirən sənədli film nümayiş etdirdi. 30 il öncə xalqın əliyalın tankların qarşısına çıxması, öz torpağının müdafiəsinə qalxması filmdə geniş şəkildə əks olunmuşdur. Həmin gecə azadlığımız, müstəqilliyimiz uğrunda canlarını qurban verən igid oğul və qızlarımız bu gün artıq tarixə çevrilmişlər.
Filmdə 20 Yanvar gecəsi şəhid olaraq bu zirvəyə yüksələn 13 yaşlı məktəbli Larisa Məmmədova və İlqar İbrahimov haqqında süjet də yer almışdır. Filmə tamaşa etdikdən sonra şagirdlər 20 Yanvar şəhidlərinə həsr olunan şeirlər söyləyərək, bir daha onların ölməz xatirəsini yad etdilər.
20 Yanvar faciəsi tariximizin şərəf və qəhrəmanlıq səhifəsidir.
