Məktəblilərin Şəhidlər xiyabanı ziyarəti
Bakı Şəhəri üzrə Təhsil İdarəsinin "20 Yanvar faciəsinin otuzuncu ildönümü ilə bağlı Tədbirlər Planı"nın təsdiq edilməsi barədə əmrinə əsasən, məktəbdə 20 Yanvar faciəsinin otuzuncu ildönümü ilə bağı silsilə tədbirlərin təşkili nəzərdə tutulmuşdur.
Hər il olduğu kimi, bu ildə məktəbdə Qanlı Yanvara həsr olunmuş dərslərin keçirilməsi nəzərdə tutulur. Hazırda siniflərdə və məktəbin dəhlizində təşkil olunmuş sərgilərdə faciə ilə əlaqədar fotolar, məktəblilərin çəkdikləri rəsmlər, divar qəzetləri nümayiş edilir. Eyni zamanda məktəbin ibtidai sinif müəllim və şagirdləri Şəhidlər xiyabanına ziyarət edirlər.
Hər bir məktəbli bilməlidir ki, vətənimizin azadlığı, müstəqilliyi uğrunda canlarını qurban verən şəhidlər ölməzliyə qovuşaraq tariximizin şərəfli səhifəsini yazıblar. Onların qəhrəmanlığı əsl vətənpərvərlik nümunəsidir.
