Yubilyar kitablar və yazıçılar 2019-cu ildə
28 noyabr 2019-cu il tarixində Rusiya İnformasiya Mədəniyyət Mərkəzində "Yubilyar kitablar və yazıçılar 2019-cu ildə" adlı layihə çərçivəsində müsabiqə keçirilmişdir. Tədbirdə Bakı, Sumqayıt və Şirvan şəhər məktəblərinin şagirdləri iştirak etmişlər. Müsabiqənin keçirilməsində əsas məqsəd şagirdlərin diqqətini kitaba və mütaliəyə yönəltmək,onları yazıçıların yaradıcılığı ilə yaxından tanış etmək idi.
Məktəbin 6B sinif şagirdi Məryəm Qiyasova, 7B sinif şagirdi İbrahim Mirzəyev və 11B sinif şagirdi Şepelev Timur da bu müsabiqədə iştirak edərək qalib olmuşlar.
26 dekabr 2019-cu il tarixində isə Rusiya İnformasiya Mədəniyyət Mərkəzində müsabiqə qaliblərinin mükafatlandırılma mərasimi keçirilmişdir. Bu tədbirdə məktəbin şagirdləri Məryəm Qiyasova və İbrahim Mirzəyev "Fəxri diplom"lara layiq görülmüşlər. Şepelev Timur İ.S.Şmelevin " Rəbbin yayı" (" Лето Господне") əsərinə yazdığı inşa yazısı ilə böyük uğur qazanaraq, "Fəxri mükafat"la təltif olunmuşdur.
Şagirdlərimizin bu uğurlarında böyük əməyi olan, sistematik olaraq müxtəlif tədbirlərdə fəal iştirak edən məktəbin rus dili və ədəbiyyat müəllimi Yelena Qruşenkova da Rusiya İnformasiya Mədəniyyət Mərkəzi tərəfindən "Fəxri diplom"a layiq görülmüşdür.
