Nigarın uğuru
Bakı şəhər Mədəniyyət Baş İdarəsi Bakı Uşaq Teatrının “Günay” Uşaq Teatr-Studiyası Rusiyada keçirilən “Millətin qızılı” Beynəlxalq Festival-Müsabiqəsində Azərbaycanı uğurla təmsil edib. Müsabiqə Moskva ətrafında, Rusiya Federasiyası Prezidenti İşlər İdarəsinin İstirahət bazasında keçirilib. Festival - müsabiqənin münsiflər heyətinin üzvləri Rusiyanın tanınmış incəsənət xadimləri, ali məktəblərin professor və müəllimləri olub.
Azərbaycanı layiqincə təmsil edən Uşaq Teatrı, müsabiqədə dahi Azərbaycan şairi və mütəfəkkiri İmadəddin Nəsiminin 650 illiyinə həsr olunmuş tamaşanı təqdim ediblər. Əsər tamaşaçılar tərəfindən gözəl qarşılanıb və səlahiyyətli münsiflər heyəti tamaşanı I dərəcəli laureat adına layiq görüb. Teatrın festivalda təqdim etdiyi ikinci tamaşa –“Qızıl açar” da I dərəcəli laureat adını alıb.
Hər iki tamaşada məktəbimizin 1B sinif şagirdi Nigar Məmmədli də çıxış edib. “Bədii qiraət” bölməsinin “Solo” nominasiyasında Nigar II dərəcəli laureat adına layiq görülüb.
Məktəb rəhbərliyi Nigar Məmmədlini təbrik etmiş və ona yeni-yeni uğurlar arzulamışdır.
