Direktor müavini fəxri fərmana layiq görüldü
20 dekabr 2019-cu il tarixində Bakı Şəhəri üzrə Təhsil İdarəsi Həmkarlar İttifaqı Komitəsinin ilin yekunlarına həsr olunmuş hesabat toplantısı keçirildi. Toplantıda Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ) sədr müavini, Təhsil Nazirliyi yanında İctimai Şuranın üzvü Mirzə Cəfərzadə, Bakı Şəhəri üzrə Təhsil İdarəsinin Həmkarlar İttifaqı Komitəsinin sədri Teymur Əhmədov, BŞTİ -nin struktur bölmə rəhbərləri, məktəb direktorları və direktor müavinləri iştirak edirdi.
Tədbirin sonunda öz səmərəli fəaliyyəti ilə fərqlənən təhsil işçilərinə BŞTİ-nin Həmkarlar İttifaqı Komitəsinin Fəxri fərman və hədiyyələri təqdim olundu.
Ədalət Abbasov adına 257 nömrəli tam orta məktəbin təlim-tərbiyə işləri üzrə direktor müavini Xəlilova Şəhla Vaqif qızı təltif olunanlar sırasında idi.
Bu münasibətlə məktəbin rəhbərliyi və pedaqoji kollektivi Şəhla Xəlilovanı təbrik edir, ona gələcək fəaliyyətində uğurlar arzulayır.
