Fizika fənnindən bilik yarışı keçirildi
Cari dərs ilinin fəaliyyət planına əsasən fizika, kimya və biologiya fənləri üzrə keçirilən fənn aylığı davam etdirilir. Bu gün 7 "a" sinfində müəllim Cəfərova Zəkiyyənin təşkilatçılığı ilə fizika fənnindən bilik yarışı təşkil edilmişdir. Yarışda iki komanda iştirak edirdi. Şagirdlər təbiət hadisələrinə aid bir neçə təcrübəni yerinə yetirdilər. Nəzəri suallara həvəslə cavab verdilər. Komandalar arasında yaxşı mənada çox maraqlı rəqabət var idi. Bu yarış şagirdlərin təbiətə, ətraf aləmə marağını daha da artırdı, fizika fənnini mənimsəmək və daha yaxşı dərk etmək üçün növbəti təkanlardan biri oldu.