"Hamımız həmrəyik" adlı breyn-rinq intellektual oyun keçirilib
28.12.2018-ci il tarixdə məktəblilərarası 31 dekabr- "Dünya Azərbaycanlılarının Həmrəylik Günü"nə həsr olunmuş "HAMIMIZ HƏMRƏYİK" adlı breyn-rinq intellektual oyun keçirilib.
Bakı şəhəri 274,19,144,14 və 247 nömrəli tam orta məktəblər arasında təşkil olunan bu yarışda humanitar-riyaziyyat-iqtisadiyyat təmayül istiqaməti üzrə təhsil alan 10-cu sinif şagirdləri iştirak edib. 3 mərhələdə keçirilən yarışda Azərbaycan və dünya tarixini əks etdirən suallar səsləndirilib. Milli filmlərimizdən təqdim olunan kadrlarla bağlı suallar və iştirakçıların ürəkaçan cavabları Azərbaycan kinosuna olan xüsusi marağın bariz nümunəsi idi. Sağlam mübarizənin sonunda I yerə 274 nömrəli tam orta məktəb, II yerə 144 nömrəli tam orta məktəb, III yerə isə 14 nömrəli tam orta məktəb sahiblənib..
Qeyd edək ki, müsabiqənin keçirilməsində əsas məqsəd məktəblərarası əməkdaşlığı möhkəmləndirməkdən ibarət olub.
