12 DEKABR ÜMUMMİLLİ LİDER HEYDƏR ƏLİYEVİN ANIM GÜNÜDÜR.
12 dekabr Azərbaycan xalqının ümummilli lideri Heydər Əliyevin anım günüdür.
Bu gün məktəbimizin bütün siniflərində, həmçinin məktəbəhazırlıq qruplarında Ulu öndər Heydər Əliyevin əziz xatirəsi hörmətlə yad edilib, ilk dərs saatı ümummilli liderin əziz xatirəsinə həsr olunub.
Məktəbin tarix müəllimi Günay Allahverdiyevanın təşkilatçılığı ilə şagirdlər akt zalında ümummilli lider Heydər Əliyevə həsr olunmuş tədbirdə iştirak edib, şeirlər söyləyib, onun həyat və fəaliyyətini əks etdirən müxtəlif sənədli filmlər izləyib.
Tədbirdə məktəbin direktoru Nihal Hacıyeva görkəmli dövlət xadimi, güclü siyasətçi, Azərbaycan Milli dövlətçiliyini bütün təhlükələrdən xilas edib qoruyan və inkişaf etdirən qüdrətli şəxsiyyət ümummilli lider Heydər Əliyevin həyat və fəaliyyətindən söhbət açıb.
Qeyd edək ki, bu gün Heydər Əliyevin Vətən və millət qarşısında misilsiz tarixi xidmətlərini minnətdarlıq hissi ilə xatırlamaq və bu hissi gələcək nəsillərə ötürmək bizim borcumuzdur..
