“Yer kürəsinin çayları” mövzusunda dərs dinlənilib
Məktəbin illik fəaliyyət planına uyğun olaraq yanvar ayı tarix və coğrafiya fənn aylığı elan olunub. Yanvarın 9-da məktəbin coğrafiya müəllimi Püstə Quliyevanın 10“A” sinfində “Yer kürəsinin çayları” mövzusunda dərsi dinlənilib. Şagirdlər dərsdə çayların iqlim və relyefdən asılılığı haqqında layihə təqdim ediblər. Layihədə şagirdlər dünya ölkələrinin çaylarını qidalanması və rejiminə görə fərqləndiriblər. Dünyanın fiziki xəritəsindən istifadə edərək çayları yerləşdikləri iqlim qurşaqlarına görə qruplaşdırıblar.
Yaradıcı tətbiqetmə mərhələsində çaylarda suyun ən yüksək və ən aşağı səviyyəsinin aylar üzrə hidroqrafını tərtib ediblər. Dərsin bütün mərhələləri standartlara uyğun olaraq yerinə yetirilib.
