Süleyman və Nərminin idman uğurları
Məktəbin rus bölməsinin 6-cı sinif şagirdləri Süleyman və Nərmin idmanın üzgüçülük növü ilə məşgul olurlar. Onlar bu idman növü üzrə müxtəlif nailiyyətlər əldə ediblər. Hələ kiçik yaşlarında qardaşının üzgüçülük idman növünə olan marağını görən Nərmin də özünü bu sahədə sınamaq qərarına gəlir. O da Süleymanla bərabər idmanın sirlərinə yiyələnir və iştirak etdiyi yarışlardan qələbə ilə qayıdır. İndiyədək Nərmin Səfərova müxtəlif yarışlarda 4 medal və 10-dan dan çox diploma layiq görülüb.
Qardaşı Süleyman Səfərovun isə uğurları daha böyükdür. İştirak etdiyi yarışlarda 9 medal qazanmaqla yanaşı o, Azərbaycan yığma komandasının tərkibində İran İslam Respublikasının Təbriz şəhərində keçirilən üzgüçülük üzrə beynəlxalq turnirdə iştirak edib. Bu yarışda Süleymanın iştirak etdiyi komanda 1-ci yerə layiq görülüb. Onları təbrik edir və hər zaman qələbə ilə qayıtmağı arzulayırıq.
