Layihəmizin dördüncü təlimi baş tutdu
Azərbaycan Respublikası Təhsil Nazirliyinin avqustun 15 də elan etdiyi "Təhsildə inkişaf və innovasiyalar üzrə 1-ci qrant müsabiqəsi"ndə məktəbin informatika müəllimi Qurbanova Almaz Əsəd qızının məktəblərarası əməkdaşlıq bölməsi üzrə qalib olmuş "İntellektual klub" layihəsi üzrə artıq dörd təlim keçirilmişdir. Baş tutan təlimlərdə şagirdlərə paylama materialları verilmiş və onların yaş səviyyələrinə uyğun olaraq Azərbaycan və dünya tarixləri, əyləncəli məntiqi suallar və s. mövzular müzakirə olunmuşdur. 31. 10. 2017-ci il tarixində keçirilən təlimdə isə şagirdlər onlara təqdim olunan sualları düzgün cavablandıraraq müxtəlif hədiyyələr qazandılar. Layihənin keçirilməsində məqsəd şagirdlərin intellektual səviyyəsini və dünyagörüşünü artırmaqdan ibarətdir.
